Thursday, December 22, 2011

Шинэ жилийн мэндчилгээ дэвшүүлье

 Миний блогийг боломжоороо уншдаг эрхэм уншигч та нартаа шинэ 2012 оны баярын мэнд хүргэж байна. Шинэ ондоо саайхан шинэлэж эрүүл энх, аз жаргалтай байхыг хүсэн ерөж байна.
П. Увш

http://sendables.jibjab.com/view/f4tTUFYenQdyqOPs

Үндэсний баяраараа үндэсний хувцсаа өмсөцгөөе

Монгол үндэстний тусгаар тогтнолын баярын өдөр.
1911 оны 12 сарын 29-нд Богд Жабзандамба хутагтыг Монгол Улсын шашин, төрийг хослуулан барьсан хаан ширээнд өргөмжлөн залах ёслол Их хүрээнээ болж, Олноо өргөгдсөн Монгол Улсаа байгуулсныг албан ёсоор дэлхий дахинаа зарлан тунхагласан түүхт өдөр билээ. 2011 онд  Монгол үндэстэн тусгаар тогтнолоо эргэн сэргээсэн 100 жилийн түүхэн ой болж байгаа билээ.
МУ- ын УИХ тогтоол гарган 2011 оны 12 сарын 29-ний  өдрийг нэг удаа бүх нийтээр тэмдэглэн өнгөрүүлэх өдөр болгон зарлаж байгаа нь баярламаар ч юм шиг гомдмоор ч юм шиг сэтгэлийн хөгийг минь татсанаас үүдэн энэхүү зүйлийг тэрлэхээр суусан минь энэ. Би бээр бичгийн хүн биш ч болсон үйл явдлын улс төр, нийгмийн ач хобогдол үнэн мөнийг мэдээсэй гэсэн үүднээс баримтад тулгуурлан санаагаа чадан ядан буулгаж байгааг минь хүлээн авна уу.
Улс орон даяараа амарч бүх нийтээр тэмдэглэн өнгөрүүдэг баяр ёслолын өдрүүд ба түүний түүхэн ач хобогдолын талаар товчхон дурьдвал.

Monday, December 19, 2011

Хишигбаяр Дэлгэрмаа - Сэтгэлийн булаг

Хишигбаяр Дэлгэрмаа - Сэтгэлийн булаг

http://www.youtube.com/watch?v=YcGqhrnFREA&feature=player_embedded

Өвөлжилт хүндэрч болзошгүй


2011-2012 оны өвөл олон жилийн дунджаас ахиу цас орно хэмээн мэргэжилтнүүд хэлж байгаа. Энэ сарын 10-ны байдлаар манай улсын нийт нутгийн 90 орчим хувьд цасан бүрхүүл тогтоод байна.
Үүнээс  Увсын Түргэн, Сагил, Сүхбаатарын Түмэнцогтод 20-30 см, Баян-Өлгийн Булган, Увсын Улаангом, Малчин, Өндөрхангай, Тэс, Баянхонгорын Галуут, Завханы Тосонцэнгэл, Түдэвтэй, Яруу, Баян-Уул, Цэцэн-Уул, Сонгино, Тэс, Нөмрөг, Баянхайрхан, Тэлмэн, Хөвсгөлийн Улаан-Уул, Цагаан-Үүр, Жаргалант, Архангайн Тариат, Хашаат, Жаргалант, Эрдэнэмандал, Өлзийт, Хайрхан, Түвшрүүлэх, Өвөрхангайн Хархорин, Бүрд, Булганы Хангал, Баяннуур, Гурванбулаг, Бугат, Дашинчилэн, Дорнодын Булган, Баянтүмэн, Чойбалсан, Хөлөнбуйр, Онон, Эрээнцав, Сүхбаатарын Түвшинширээ, Дундговийн Цагаандэлгэр, Эрдэнэдалайд 10-19 см зузаан цастай байна.
Мөн, Хөвсгөл, Булган, Дорнодын ихэнх, Баян-Өлгий, Увс, Завхан, Говь-Алтай, Баянхонгор, Архангай, Өвөрхангай, Дархан-Уул, Сэлэнгэ, Төв, Хэнтий, Сүхбаатар, Дундговь, Дорноговь, Өмнөговийн зарим нутгаар 5-9 см, Дундговь, Дорноговь, Баян-Өлгий, Говь-Алтай, Баянхонгор, Өвөрхангай, Өмнөговийн зарим нутагт цасгүй бусад нутагт 0-4 см зузаан буюу тарлан цастай байна.
Харин энэ арав хоногт ихэнх нутагт агаарын температур олон жилийн дунджаас хүйтэн, цас дунджаас ахиу орж, цастай нутгийн хэмжээ өмнөх арав хоногоос нэлээд нэмэгдэж, зарим газартаа цас нягтарч хатуурсан байна. Цаашид 10-19 см зузаан, битүү цастай байгаа нутгуудад цас улам нягтарч хатуурвал малын бэлчээрлэлт хүндэрч болзошгүй байгаа ажээ.

Бүх нийтээрээ энэ сарын 29-нд амарна


Үндэсний эрх чөлөөний хувьсгалын 100 жилийн ой энэ онд тохиож байгаатай холбогдуулан энэ сарын 29-ний бүх нийтээр амрах баярын өдөр болгохоор Монгол Улсын Засгийн газраас дэмжлээ.
УИХ-ын гишүүн Н.Батбаяр, Ч.Сайханбилэг, Ө.Энхтүвшин, Д.Загджав нар энэхүү түүхэн өдрийг бүх нийтийн амралтын өдөр болгохоор хуулийн төсөл санаачилсан юм.
Тэдний санаачилсан уг хуулийн төслийг төсөл хэлбэрээр дэмжих боломжгүй харин нэг удаагийн арга хэмжээ болгон, бүх нийтийн амралтын өдөр болгох нь зүйтэй хэмээн үзсэн ажээ.

Sunday, December 11, 2011

ИЖИЙГЭЭ БИ ТЭЭР ҮЗЛҮҮ ЯАЛАА?


/Бүх шоучиддаа зориулав/ 

Хорь гарчихсан байж хойморт нь өдөржин хонхойж
Хоол нэхэж, хормойд нь чирэгдэж явна би, ээжийнхээ
    Хийж өгсөн хоолыг нь голон байж хороочихоод
    Хээтэй гангар шаазанг нь шидэн байж хялайчихаад
    Угааж өгсөн хувцасыг нь хуучин гэж шидлээд
    Унтаж боссон хэвтрээ хэвээр орхиод гарсан би…
Сүүгээр угжсан үнэр нь сүрчигний аагинд алдарч
Сүлжиж өгсөн гэзэг нь бүжгийн талбайд задарч
Сүвлэж хадсан товч нь эрийн энгэрт тасрахад
Сүсэглэж залбирах ижийнхээ санаа алдахыг нь мэдэрлээ...
    Үүр шөнийн заагаар үүрэндээ халамцуу ирэхэд минь
    Үс нь буурал эмгэн үүд тосон угтахад, би гайхав
    Санаа зовнин үрээ хүлээсэн ээжийн минь
    Санчиганд нь хяруу унасан нь тэр байжээ...
Өчигдрийн дарсанд шартаж хөмсөг зангидан сэрэхэд
Өглөөний цай оронд барьж сэвлэг илсэн ээжийнхээ
Тэнэмэл үрээ гамнаж зэмлэсэн хэдэн үгэнд нь
Тэнэг би ойворгон загнаж, ижийгээ тээр үзлүү яалаа?
    Ааваа нэхэн агсам тавихад минь шөнөжин уйлж
    Ачлал умартан тунирхахад минь өдөржин аргадаж
    Гээсэн нойроо нөхөх гэж орондоо хөглөрөх үрээ
    Гэртээ өнжлөө гэж баярлахдаа өвчнөө мартдаг ижий
Утасны хонхонд хөл алдаж ухасхийн гүйхэд минь
Урдах цайгаа хөртөл бодолд дарагдсан, ээж минь
Үрээ ухааруулах гэсэндээ үхлээрээ айлгах ижийнхээ
Үнэн сэтгэлийг нь анзааралгүй үүдээ саваад гарлаа би…
    Харанхуй гудамжинд ганцаар явахдаа би ээжээ бодлоо
    Халамцуу хүмүүс хажуугаар зөрөхөд би ижийгээ саналаа
    Золбин нохой замд боргоход би "ЭЭЖЭЭ" дуудан цочлоо
    Зовхио чилтэл хүлээсэн ижийгээ хараад, би уужирлаа...
Уургийг нь гувшиж хүн болчихоод
Усыг нь цутгуулж амьд гарчихаад
Ухаажсан билүү би, ижийхээ амьдад
    Унтах нойрыг нь төрсөн цагаас хугасалчихаад
    Урсах нулимсийг нь өссөн цагаас барчихаад
    Уучлаарай гэж хэлсэн билүү би, ижийдээ
Бурханг царайчилж үрээ даатгадагт тань
Бурууг минь өршөөж бусдаас өмөөрдөгт тань
Өвдөхөд өмнөөс минь уйлдагт тань
Үрдээ хорогдохдоо үхэж чаддаггүйд тань
    Ээж тандаа охин нь баярлалаа гэж хэлье
    Энэрэл харам хорвоод ижийгээ дуудаж залбиръя
    Үр тань таныгаа үүрээд явъя, нуруундаа биш ч сэтгэлдээ тээе
    Үлдсэн амьдралаа хамтдаа туулъя, үүрд биш ч үхтэл хамт байя
Дааж баршгүй ачийг тань марталгүй заавал хариулъя
Дараагийн амьдралдаа та харин охин минь болж төрөөрэй!

Bagheera

Зүдэрч амьдрахгүйн тулд тэд харь эцэг, эхийн хүүхэд болж байна

Өнгөрсөн 12 жилийн хугацаанд 220 монгол хүүхэд гадаадын иргэдэд үрчлэгдэж, хүний нутгийн иргэд болжээ. 1999 оноос эхлэн Нийгмийн хамгаалал, хөдөлмөрийн яам, Гадаадын иргэн харъяатын асуудал эрхлэх газар хамтран Монгол Улсын харъяат хүүхдийг гадаадын иргэнд үрчлүүлэх асуудлыг

Saturday, December 10, 2011

Халимагууд Монгол руу ирж явна


2 дугаар хэсэг. Нүүдлийн эхлэл: Нарт дэлхийд Монголоос илүү нь үгүй  
“Хүйтэн булгийн усандаа л Хирээ нь угаагаад суугаа даа Хирээ нь угаагаад суугаав чигээ Хайртай ээжийгээ санана даа…” “Алтангадас” одонгоор энгэрээ мялаасан дуучин, хөөмийч Цагаанзам Монгол Улсын иргэн болох хүсэлтээ гаргасан байна.