Б.Догмид: Шүншигтэй, бүтээлтэй хүн мөнх байдаг

Дорноговь аймгийн Алтанширээ сумын уугуул Соёлын гавьяат зүтгэлтэн, төрийн шагналт зохиолч Балжирын Догмидтой ярилцлаа. Тэрээр энэ сарын 16-нд “Бөхийн өргөө”-нд “Дөрвөн уулын бороо” нэртэй уран бүтээлийн тоглолтоо хийх гэж байгаа юм. Нилээд их ажлынх нь дундуур багахан хэмжээний цаг гарган ярилцсан бидний яриа тоглолтын талаар гэхээсээ илүүтэй эх орон, газар шороо, анд нөхдийнх нь тухай болсон юм. 

-Танд энэ өдрийн мэнд хүргэе. Удахгүй болох гэж байгаа тоглолтын тань талаар яриагаа эхлэх үү?

-Би яахав дээ, нутаг ус, газар шороогоо дээдэлж явдаг хүн. Миний тоглолт бол дөч гаруй жил бичсэн хэдэн дуунаасаа шигшсэн гучаад дуутай, Н.Жанцанноров, Бямбабаяр нарын зохиосон “Догшин хутагтын сахиус”, “Бурханы шувууд” зэрэг дөрвөн том найрал хөгжимтэй тоглолт болно. Дээр нь “Догшин хутагтын сахиус”, “Оосор бүчгүй орчлон”, “Анхны хайрын дууль” гээд кинонуудын шигтгээ дүрүүдийг жүжигчид драмчилсан байдлаар үзэгчдэд хүргэнэ. Энэ тоглолт маань Равжаа хутагтын мэндэлсэний 210 жилийн ой хийгээд IX хутагтын сэнтийдээ заларсанд уран бүтээлийн мандал өргөж байгаа тоглолт юм. Тоглолтоо Улаанбаатар хотод хийгээд Хамрын хийд, Сайншанд зэрэг газруудаар тоглоно. Дараа нь өргөн олондоо бүхий л мэдээллийн хэрэгсэлээр дамжуулан тоглолтоо хүргэхээр бэлдэж байна даа. 

Ц.Оюундарийг ЕНБДаргаар томилж, Ц.Элбэгдоржийг Ерөнхийлөгчийн сонгуульд дэвшүүлэхээр боллоо

Ардчилсан намын ҮЗХ-ны 42 дугаар хурал өнөөдөр боллоо. Хурлаар үндсэн гурван асуудал хэлэлцсэн юм. Нэгдүгээрт Монгол Улсын Ерөнхийлөгчид АН-аас нэр дэвшүүлэх журмыг баталаа. Харин хэлэлцэх асуудлын хоёрдугаарт АН-ын Ерөнхий нарийн бичгийн даргыг томилох тухай асуудал байсан юм. АН-ын ЕНБДаргын үүрэг гүйцэтгэж буй Ц.Оюундарийг дээрх албан тушаалд томилох эсэх асуудлаар ҮЗХ-ны гишүүдийн дунд нууц санал хураалт явуулж гишүүдийн 93,8 хувийн саналаар түүнийг АН-ын ЕНБДаргын албанд томиллоо. Харин хэлэлцэх асуудлын гуравдугаарт Монгол Улсын Ерөнхийлөгчийн сонгуульд АН-аас нэр дэвшигчийг тодруулах асуудал байлаа. Намын дүрэмд зааснаар Ерөнхийлөгчийн сонгуульд нэрээ дэвшүүлэх хүсэлтэй хүн байвал өргөдөл болон холбогдох бичиг баримтыг цуглуулж Гүйцэтгэх зөвлөлд хүргүүлэх учиртай.

Нар жаргасан хойно

“Утгын чимэг” богино өгүүллэгийн 23 дахь удаагийн наадамд 80 гаруй өгүүллэг ирснээс сүүлийн шатанд шилдэг 15 өгүүллэг шалгарсан. Бид шилдэг 15-д шалгарсан Б.Цоожчулуунцэцэгийн “Нар жаргасан хойно” өгүүлэгийг хүргэж байна. 

НАР ЖАРГАСАН ХОЙНО...

Зэвэг өвгөн галаа түлэх гэж баахан бухимдав. Нойтон түлээний гашуун утаа хоолой хорсгон, галын өнчин хөх дөл туниа муутайхан сүүмэлзэхэд тэрээр цайгаа халаахаар гал дээрээ тавьлаа. Гэрт хэдийнээ хүйт хургаж, цаанаа л нэг тохь муутай. Өглөө л чанасан бор цай уухын аргагүй хоормог шиг  болж,  хоолойг нь гашуу оргиулахад  Зэвэг унтахаар ороо бараадлаа.  Гэвч нойр нь хүрсэнгүй, хөнжилний хажуунаас хүртэл хүйт даах шиг санагдаж, өрхний завсраар цухуйх бүрхэг тэнгэр яг л түүний сэтгэл шиг хоосон, бас бүүдгэр, ганцаардмал харагдахад тэр нүдээ анив. Үнэндээ тэр Хандмааг өөрийнх нь амьдралд ийм их орон зай эзэлдэг байсныг анзаарч явсангүй гучин гурван жилийг элээснээ бодохоор дахиад л өнөөх харуусал  цээжийг нь бүрхээд ирлээ. Хандмаа гэж түүний бурхан болооч эхнэр. Эхнэрийгээ өнгөрснөөс хойш уух цай ч амтгүй, идэх хоол ч шимгүй болж хувирахын чинээ тэр санасангүй явлаа. 

Хүү сургуулиа төгслөө

Дархлаа сайжруулах

Ардчилсан Ерөнхийлөгч Ц.Элбэгдорж аргагүй л хүчтэй байна

Монгол Улсын дөрөв дэх, анх­ны ардчилсан Ерөн­хийлөгч Ц.Элбэгдорж энэ өдрүүдэд жинхэнэ ут­гаараа сүр хүчээ үзүүлж байна. Хоёрхон сарын дараа өөрийнх нь төлөө саналаа өгөх монголчуудынхаа тө­дийгүй дэлхий нийтийн анхаарлыг дөрөв хоног Улаан­­баатар руу хандуулж чадсанаараа өнөөдөртөө тэр хам­гийн онцгой хүнээр өрсөл­дөгчгүй тодрох нь ойлгомжтой. Өнөөдөр Монгол Улсын нэр хүнд дэлхийд ман­лай­лах хэм­жээнд байгааг бид бүхэн дөрөв хоног харж бахар­хац­гаалаа. 800 жилийн өм­нөх их эзэн Чингисийн байл­дан дагууллын алдар сууг хойч үе нь ардчиллын үйлсэд оруулсан эгнэшгүй гавьяагаараа дахин олж авлаа. Ардчилсан нийгэмд шил­жихдээ нэг ч хүний амь насыг бус­ниулаагүй түүхэн гавьяаг дэл­хий нийт талархан дурсаж байна. Тэр түүхэн эгзэгтэй цаг мөчид ардчиллын залуу­сыг удир­­даж явснаараа Ц.Элбэгдорж монгол­чуудын тө­дийгүй дэлхий дахины талархлыг хүлээх түүхэн гавьяатай нэгэн гэдэгтэй мар­гах хүн цөөхөн

Ан Сан Сү Чи: Би ардчиллыг загварчлах дургүй

Мьянмарын холбооны улсын Парламентын гишүүн, Ардчиллын төлөөх Үндэсний Лиг намын тэргүүн, хатагтай Ан Сан Сү Читэй хийх хэвлэлийн бага хурал өнөөдөр Төрийн ордонд боллоо.

Хэвлэлийн бага хуралд Монголын болон гадаадын хэвлэл мэдээллийн байгууллагын төлөөлөгчид оролцож, сэтгүүлчид Монгол ба Мьянмар дахь ардчилал, хоёр орны хамтын ажиллагаа, цаашдын түншлэл зэрэг асуудлуудыг хөндөв. Энэ үеэр хатагтай Ан Сан Сү Чи асуулт бүрт дэлгэрэнгүй хариулт өглөө. Хэвлэлийн бага хурлын эхэнд хатагтай Ан Сан Сү Чи Монгол оронд хийсэн айлчлалынхаа талаар сэтгэгдлээсээ хуваалцсан юм.

Тэрээр, “Монгол Улсад ирсэн анхны сэтгэгдлээсээ хуваалцахад өөрийгөө гадны хүн эсвэл монгол хүмүүс миний зүрх сэтгэлээс хол хүмүүс гэж бодохгүй байна. Газар зүй, байгаль цаг уурын хувьд манай улс танайхаас өөр. Монгол Улс шиг эрс тэс уур амьсгалтай газар өмнө нь очиж байгаагүй. Намайг эх орноосоо гараад явахад 39 хэмийн халуун байсан. Байгаль орчны хувьд ийм ялгаа байгаа ч хувь хүний хувьд бидэнд ялгаа алга. Гаднаас нь харахад ч бид Ази хүмүүс. Бидний баримталж байгаа дэг жаяг, үг хэллэгээс аваад бид нэг хүмүүс юм байна гэсэн ойлголт төрж байна. Амьдралын хэв маягаас харахад монголчууд маш их цагаан идээ хэрэглэдэг, идэж ууж байгаа зүйл нь өөр юм. Бид бол ногоо, будаа идэж өссөн. Ойр зуурын хоол хүнс, хувцас зэргээсээ бусдаар бол нэг сэтгэлтэй, нэг бодолтой хүмүүс юм. Мөн Монгол хэл, Мьянмар хэл хоёр төстэй юм байна. Англи хэлээр хэлсэн өгүүлбэр Мьянмар болон Монгол рүү хөрвүүлэхээр их урт болох юм хэмээв. Түүний энгийн атлаа үнэн сэтгэлийн ярианы дараагаар хэвлэлийнхэн ээлж дараагаар асуултаа асууж, тодорхой хариулттай болцгоосон юм.