Улаанбаатарт 14 хэм дулаан байна

 2011 оны 10 дугаар сарын 09-ний 08 цагаас 20 цаг хүртэлх
цаг агаарын урьдчилсан мэдээ

Баруун зүүн зүгийн нутгаар үүлшиж, нутгийн баруун хэсгээр бага зэргийн хур тунадас орно. Бусад нутгаар багавтар үүлтэй. Хур тунадас орохгүй. Салхи зүүн зүгийн нутгаар баруун хойноос, бусад нутгаар баруунаас секундэд 5-10 метр, Алтайн уулсаар секундэд 12-14 метр хүрч ширүүснэ. Алтай, Хангай, Хөвсгөлийн уулархаг нутаг, зүүн зүгийн нутгаар  10-15 градус, Алтайн өвөр говь болон говийн нутгийн өмнөд хэсгээр 18-23 градус, бусад нутгаар 13-18 градус дулаан байна.


УЛААНБААТАР ХОТ: Багавтар үүлтэй. Хур тунадас орохгүй. Салхи баруунаас секундэд 4-9 метр. 13-15 градус дулаан байна. Өглөө 05 цагт Улаанбаатарт : 0 градус орчим, харьцангуй чийг 62 хувь, агаарын даралт  876 гектопаскаль байлаа. Даралт өдөртөө буурна.

2011 оны 10-р сарын 10-наас 10-р сарын 14-нийг хүртэлх
цаг агаарын урьдчилсан төлөв:

10-нд баруун зүгийн ихэнх нутаг, төвийн нутгийн баруун хэсгээр, 11-нд нутгийн баруун хагаст, 12,13-нд нутгийн зүүн хагаст хур тунадас, нойтон цас орно. Салхи  11-нд баруун зүгийн нутгаар секундэд 12-14 метр. 12-нд зарим газраар, 13-нд нутгийн зүүн хагаст секундэд 16-18 метр хүртэл ширүүсч шороон болон цасан шуурга шуурна.10-нд ихэнх нутгаар, 11-нд нутгийн зүүн хагаст дулаахан байх боловч хугацааны сүүлчээр хүйтэрч Алтай, Хангай, Хөвсгөл, Хэнтийн уулархаг нутгаар шөнөдөө 7-12 градус хүйтэн, өдөртөө2 градус хүйтнээс 3 градус дулаан, Алтайн өвөр говь болон говийн нутгийн өмнөд хэсгээр шөнөдөө 1-6 градус, өдөртөө 9-14 градус дулаан, бусад нутгаар шөнөдөө 4-9 градус хүйтэн, өдөртөө 1-6 градус дулаан байна.

5 хоногийн цаг агаарын урьдчилсан мэдээ           

 Тухайн хотын нэрэн дээр хулганаа дархад тухайн хотын цаг агаарын 5 хоногийн урьдчилсан мэдээ гарна. Та ЭНДдарж 5 хоногийн мэдээг үзнэ үү.

Эх сурвалж: Ус цаг уурын хүрээлэн

www.tsag-agaar.mn