Монгол Улсын боловсролын гэрчилгээ, мэргэжлийн үнэмлэхийг монгол бичгээр бичиж байхаар боллоо. Монгол Улсын Ерөнхийлөгчийн Монгол бичгийн албан хэрэглээг нэмэгдүүлэх тухай зарлигийг хэрэгжүүлэх ажлын хүрээнд энэ оноос эхлэн бүрэн дунд боловсролын үнэмлэх, суурь боловсролын гэрчилгээ, мэргэжлийн боловсролын мэргэжлийн үнэмлэх, их дээд сургуулийн бакалавр, магистр, докторын дипломыг кирилл, монгол бичгээр зэрэгцүүлсэн бичлэгтэйгээр олгож байхаар боллоо. БСШУ-ы сайдын тушаалаар эдгээр албан баримтын загварыг монгол бичигт хөрвүүлэх ажлын хэсэг гарч ажилласан байна. Тус ажлын хэсгийг МУИС-ийн Монгол соёлын сургуулийн Эх бичиг судлалын доктор профессор Ш.Чоймаа ахалж ажиллажээ.Б.Ариунтуяа
No comments:
Post a Comment